Paseo “Os sobreirais de Mosteiró” 12 de maio (Valença de Minho)

Encaixados nas estribeiras do Monte do Faro, Lagoas e San Silvestre, con altitudes de 500m a  750m, os sobreirais  salpican o terreo irregular e emperiquitan as matogueiras cos seus corpos retortos.
Nestes solos pouco profundos, acompañan as queirogas brancas e as carpazas amarelas ás sobreiras, e as carrouchas lillas ao mato. Mais no ciclo da primavera-verán a explosión das cores amarela e violeta dos pampullos e borraxas acicala e inunda os eidos do val na paisaxe aberta cara ao Miño.

Máis INFORMACIÓN e INSCRICIÓN logo das fotografías.

INDICACIÓNS
–Data. 12 de maio.
–Lonxitude, 12km.
–Dificultade. Baixa.
–Hora de comezo. 11h.
–Hora de remate. 17h, aproximadamente.
–Xantar. Cadaquén levará o seu alimento.
-A inscrición debe ser confirmada por Faia Educación Ambiental.