Faia Educación Ambiental

Visita de Outono ao ‘Parque Natural de Babia y Luna’ e ao ‘Val de Llaciana, Reserva da Biosfera’ 30, 31 de outubro e 1 de novembro

‘Nos abeledos e freixeiros avesíos dos cavorcos ribeiregos, a auga exerce o mantemento da vida. Alí onda as luzulas, as hepáticas, as euforbias, as briófitas. Mais a plenitude gaña altitude e así, os fermosos bidueirais monoestratos  son a antesala e pegada de bosques escuros, onde as clorofilas abondosas traballan arreo todo o ano e permiten aos teixos de doelas festonadas amosar a senectude.

Xa no alto, a xeoloxía calcaria acada cores desiguais e formacións montañosas de certa vertixe nos circos glaciares, e acompañan cos blocos erráticos ás extintas linguas de xeo do Plistoceno até as pradarías máis térmicas.’

Velaquí información sobre o PROGRAMA e o ALOXAMENTO.

Máis información sobre as TARIFAS e a INSCRICIÓN, logo das fotografías.

LÍMITE DE PRAZAS
INSCRICIÓN E TARIFAS


-A inscrición debe ser confirmada por Faia Educación Ambiental.
-Tamén podes facer a inscrición enviando un correo-e a info@faia.gl, ou, se tes dúbidas, ligando para o teléfono 686998706.
-O prezo inclúe a hospedaxe de 2 noites (sábado e domingo), a cea de 2 noites (sábado e domingo), o almorzo de 2 días (domingo e luns), e o xantar volante/picnic de 2 días (domingo e luns). Tamén inclúe a preparación do programa, as monitorizacións, as visitas guiadas á Leitaría hidráulica ‘La Popular’ e ao ‘Centro de Interpretación del urogallo’
-A visita realizarase en coches particulares. Para compartires coche, ou sumarte a outro, fai mención na inscrición ou contacta con Faia. O uso de máscara nel é unha obriga.
-As persoas menores deben vir acompañadas por unha adulta.

 

 

 

 

 

 

Deixa unha resposta

O teu enderezo electrónico non se publicará Os campos obrigatorios están marcados con *