Visita ao Parque Natural de Sintra-Cascais. “Desde os bosques bretemosos á costa violeta e amarela. O Occidente de Europa” 28,29,30, 31 de marzo

Espreguiza Sintra. A luz clarifica e paseniño destapa palacios de cores e vexetación copiosa que xeran soños evocadores e aproximannos a escenarios pretéritos, vagamente definidos.
Mais xa estamos na Serra de Sintra cuxa altura, orientación leste-oeste e proximidade á costa amosa os elevados e exuberantes bosques bretemosos de Lawson xunto dos bosques das retortas sobreiras, pequechas oliveiras, aciñeiras e bosquetes de reboleiras. A luz é tenue e as hedras tapizan o horizonte e a verticalidade na loita pola luz.  A imaxe convida ao silencio e á contemplación. A escena é altamente fermosa.
Mais a serra derrúbase a escasos quilómetros sobre o mar. Volve a luz e a faixa atlántica amosa os cantís calcarios de vertixe, con taffonis e raiceiras fósiles de antigos manglares, xunto de rochas sedimentares de cores violetas e amarelas ferrosas e fermosas…Alí, no Occidente europeo.

Preme no PROGRAMA E HOSPEDAXE e RESERVA
INSCRICIÓN, logo das fotografías

INSCRICIÓN
—A inscrición neste formulario será contestada por Faia nun prazo máximo de 12h. Se non se dese este caso, chama ao 686998706
—*A dispoñibilidade das habitacións é limitada no seu número e iranse asignando seguindo a orde de inscrición das persoas

Tamén podes facer a inscrición enviando un correo-e a info@faia.gl  indicando nome e apelidos, e a persoa ou persoas anotadas. Se tes dúbidas, liga para o teléfono 686998706.
-A inscrición debe ser confirmada por Faia Educación Ambiental.
-O transporte realizarase en coches. Priorizaremos, se for posíbel, na viaxe, os monovolumes, furgonetas e coches con certa capacidade.