Faia Educación Ambiental

———INSCRICIÓN PECHADA——–Paseo para adultas “As fragas do Alén” 14 de xuño, Covelo

——INSCRICIÓN PECHADA—–

300 millóns de anos. Era Paleozoica. Períodos Carbonífero e Pérmico. Nace Panxea e, asemade, levántase a Gran Dorsal Galega, ateigada de serras que fracturan a Galiza actual, de Norte a Sur. Logo, erosionan profundamente; mais logo vólvense mozas…rexuvenecen coa Oroxenia Alpina. E volven erosionar…

No sur, entre a Serra do Suído e O Coto de Eiras, unha fractura tectónica especial, convertida nun fermoso val encaixonado, amosa o río Alén fura que te fura buscando camiño, creando futuro, parindo bosque. Paradigma dos bosques atlánticos galegos, noutrora abondosos.

E O Alén venerando o seu nome (“máis alá, no outro mundo”), agocha entre as burbullas de osíxeno que branquean o seu leito e a variedade de especies briófitas, liquénicas e herbáceas, un segredo suspendido no tempo…

Anímaste a pasear?

Máis información e inscrición logo das fotografías

INDICACIÓNS
Localización. Covelo.
Data. 14 de xuño.
Inscrición, límite de prazas.
Lonxitude do paseo. 9km.
Dificultade. Baixa.
Hora de comezo. 11h.
Hora de remate. 16,30h, aproximadamente.
Xantar. Cadaquén levará o seu alimento.
-As menores de 12 anos deben vir acompañadas por unha adulta.
-As menores de idade, se viren soas, deberán traer un documento que acredite a autorización de nai, pai ou titora legal.
-A inscrición debe ser confirmada por Faia Educación Ambiental.
INSCRICIÓN

Deixa unha resposta

O teu enderezo electrónico non se publicará Os campos obrigatorios están marcados con *