II Día da Ciencia en Galego. Imaxes.

Co gallo do “II Día da Ciencia en Galego”, o 4 de novembro, a Concellaría de Normalización Lingüística do Concello de Vigo puxo en marcha un programa no que se promovía o uso da lingua galega en diversas actividades entroncadas na ciencia.
Así, entre o 2 e o 24 de novembro, Faia Educación Ambiental participou no antedito programa cos obradoiros “As nosas árbores”, “Elaboración de plastilina”, “Elaboración de aceites esenciais” e “Elaboración de crema dentífrica”.

Imaxes do obradoiro de pan biolóxico. 12 e 19 de novembro.

Os sábados 12 e 19 de novembro, Faia Educación Ambiental desenvolveu un novo obradoiro de pan biolóxico. Nivel iniciación.

A primeira xeira dedicámola á elaboración de pan de trigo biolóxico. Combinamos a preparación da bola coa práctica do enfornado e a elaboración do lévedo nai.

II Día da Ciencia en Galego. A muller na ciencia.

O día 4 de novembro terá lugar o II Día da Ciencia en Galego, dedicado a exaltar o papel da ciencia na creación e profundamento da cultura galega e, asemade, vindicar o uso da lingua galega neste eido.

Este ano, a través do título “A muller na ciencia”, este día quere achegar a obra de dúas mulleres que destacaron no eido da química. Son Marie Curie e a galega, María Wonenburger.

Faia Educación Ambiental participa neste evento a través dun programa organizado pola Concellaría de Normalización Lingüística do Concello de Vigo no que se fomenta o uso da lingua galega en diversos obradoiros do medio.

Nunha parte deste programa, atendendo aos diferentes niveis de idade, Faia desenvolverá obradoiros do medio, en diversos colexios de Vigo, ao longo de catro semanas.

“Eiquí sempre foi bosque..” O Courel, outono de 2011.

“Metidiño na camiña
tapadiño hastr’as orellas
sinto zapicar as beiras
entr’o vento que axubría..”

“No bicarelo do bico do brelo
canta o paxariño.
No mesmiño
bicarelo do bico do brelo”

“Cain as follas..
sinto unha cousa
que se apousa en min e non me toca”

“Inda non estoun co’ela.
Aínda ún sigue n’el.
Estoun en Compostela
vendo nevar no Courel”.
Uxío Novoneyra