Autor: marcelo (page 84)

A semana do 13 ao 17 de xuño, no CPR Santo Tomás do Porriño, Faia Educación Ambiental realizará diversos obradoiros dirixidos ás aulas de Educación Infantil e Primaria.

O itinerario proposto encheranos o ánimo de boas sensacións. En Ponte de Lima, Portugal, é onde se sitúa o noso percorrido.

En Carracido, O Porriño, o sábado, 7 de maio, coñeceremos o Roteiro da pedra e da auga. É un itinerario de 4 quilómetros e 2h 1/2  de duración, aproximadamente, apto para calquera idade, cuxa saída será ás 10h e o remate ás 12,30h.
Inserido nunha contorna rural-residencial, este pequeno itinerario situado no barrio de Carracido amosa uns trazos peculiares que o singularizan.

O sábado 16 de abril percorremos o trilho de Mosteiró, en Valença de Minho.
O día, despexado e caloroso, animaba á práctica de sendeirismo e, acho, que, logo de o facermos, rematamos contentes. E tamén cansas, pois foron 12 quilómetros.

E, en Valença de Minho, o sábado, 16 de abril, comezamos a noso percorrido. Será un itinerario de 6h de duración, aproximadamente, apto para calquera idade, cuxa saída será ás 11h e o remate ás 17h.

Neste intre, en chegando a primavera, comeza a andaina de Faia Educación Ambiental. Agroma agora mais ten as raíces asentadas na experiencia certa e as gañas de aprender de todas vós. Así, tentaremos comprender mellor a nosa relación co medio natural, rural ou urbano; fomentaremos o respecto á diversidade e á igualdade; falaremos desde unha perspectiva feminina da lingua e pularemos pola creatividade e a participación. É un xeito de valorarmos, xuntas, a cerna do que nos arrodea e descubrirmos a beleza das cousas pequechas desta vida. Isto, a través de obradoiros, visitas guiadas, campañas, cursos, xornadas, charlas, campañas ou feiras ligadas ao medio.