As Lagoas de Bertiandos. Zona Húmida de Importancia Internacional (Ramsar).

Participaremos do Día Mundial das Zonas Húmidas o domingo 3 de febreiro.

Serán 12,5 quilómetros, de dificultade baixa, que atravesarán un espazo diferente, pouco abondoso e dos máis fermosos do Norte de Portugal. As Lagoas de Bertiandos. O percorrido, ademais de atravesar e cinguir o espazo protexido, permitiranos situalo, doadamente, entre o río Lima e a Serra da Arga.

A Paisagem Protegida das Lagoas de Bertiandos, sitio da Rede Natura e Zona Húmida de Importancia Internacional, localízase en Ponte de Lima e ocupa unha área de 350ha cuxos valores se espallan nas zonas envolventes ás dúas lagoas (Arcos e Mimoso) e ás marxes do río Estoraos, que vertebra o espazo e empata co río Lima. Son zonas húmidas e non-húmidas que conforman ecosistemas diferenciados con especies propias.



Así, destacan a presenza de pequenos bosques de carballos, turbeiras e os bosques de amieiros asolagados, ecosistemas de conservación prioritaria pola Unión Europea; pasteiros naturais ou tapadas e veigas moi fértiles destinadas ás actividades agrícolas, quer no río Estoraos quer no río Lima.

Esta vexetación acubilla unha fauna propia e son as aves as que se deixan observar; así, é habitual nesta época do ano, nas lagoas, a presenza de alavancos, mergullóns, garzas, picapeixes ou a galiña de río.

E nas veigas, a cegoña branca xa non é unha anecdota.

Tamén agocha Bertiandos unha boa variedade de anfibios; se cadra, sempre se cadra, atoparemos algúns individuos; a ra dos regos, o limpafontes palmado,..

Alén disto, Bertiandos fai parte da antigüidade do Concelho de Ponte de Lima pois presenta vestixios históricos do megalitismo e mundo prerromano e romano; salientan, tamén, o Solar de Bertiandos, Inmoble de Interese Público, quiñentista e barroco, ou os cruceiros.

Gostas?

Indicacións

-Localización. Ponte de Lima.
-Data. 3 de febreiro.
-Lonxitude do percorrido. 12,5 quilómetros.
-Dificultade. Fácil.
-Punto de encontro. Valença de Minho, detrás da antiga alfándega, ás 9,15h, hora galega.
-Hora de comezo. 10,30h.
-Hora de remate. 17h, aproximadamente.
-Xantar. Cadaquén levará a súa comida.
-Tarifa. 8€.
-Na unidade de convivencia de 3 ou máis persoas, unha tarifará 3€.
-As menores de 12 anos tarifarán 3€.
-Formaliza a túa inscrición neste formulario. Deixa un teléfono de contacto. Tamén podes facela ligando para o 686998706.
-As menores de 12 anos deben vir acompañadas por unha adulta.
-As menores de idade, se viren soas, deberán traer un documento que acredite a autorización de nai, pai ou titora legal.
-Cómpre inscribirse antes do 2 de febreiro.

2 thoughts on “As Lagoas de Bertiandos. Zona Húmida de Importancia Internacional (Ramsar).

  1. Gostaríanos saber de qué xeito será o traslado ata Ponte da Lima… ¿en vehículos propios ou haberá transporte común?
    Moitas grazas de antemán!

Deixa unha resposta

O teu enderezo electrónico non se publicará